فلاح كل ما يحط حشيش للبقرة تاكله الفرخه قال الفلاح للفرخه إذا أكلتيه ثاني حانتف ريشك و أحطك في القفص راحت الفرخة واكلة الحشيش فنتف ريشها و حبسها شافها الديك عريانة في القفص سألها : أداب !!
الحبشتكة الثانية بعنوان هلوسة تاريخ ياريت تشاركونا بشوية هلاوس كده على مزاجكم
إنه فى تمام يوم الأربعاء الموافق 33/2/1999 ق.م العصرية كدة هجم الهكسوس علي مصر طبعا كلنا عارفين القصة دي..بس لما نيجي نلعب ف التاريخ اكيد هتتغير!!
الهكسوس دخلوا مصر علشان احمد عرابي معندوش رصيد!! اها..متتصدمش كدا "..انا هحكيلك الحكاية كلها00اول ما سعد زغلول عرف إن الهكسوس ناويين يهاجموا مصر من الشرق-و علي فكرة القناة الاولي مقلتش كدا..هوا كان بيتفرج علي السي ان ان جمع كل الناس و خد رأيهم..ووصلوا لحل..جابوا احمد عرابي و قالولة لما تلاقي الهكسوس داخلين و معاهم الحملة الفرنسية..ابعت مسج لسعد و هيكون جاهز بجيشة..من قناة السويس و طبعا كنوع م الاحتياط..جاب موبايل 6680 علشان الشحن".. و يتعنطظ بية قدام الجيش اللي كان معاه 3310 بس[:@]!!
و المهم الحج عرابي دا..كان ديما يصوت لهاني ف ستار اكاديمي.. ..و كان بيشيت ف ميلودي..و كان ديما بيشترك ف مسابقات التلفزيون.. فالرصيد بتاعة اتدمر
المهم..الجنود كرهوا الموبايلات بسببة و رموهم ف بير مسعود و بعد كدا...جية عمك عرابي شاف الهكسوس بيجروا و ف ايدهم مسدسات خرز و فلين..اتخض ف البداية بس مسك نفسة..و جية بيبعت الرسالة دي: " من عرابي لسعد زغلول.. جيش الهكسوس جي بقيادة القائد عرق سوس و معاه عمنا مبارك..ماسك سلسلة فضة..و عمال يلوح بيها.. و عتاد الجيش كالاتي: - امواس-مطاوي-سيوف-بنادق خرز-و مسدسات خرز برضة- اعمل اية بس؟تعالي يا نجم بسرعة..انا معييش غير 200 جندي مبيعرفوش غير يلعبوا بالجيم بوي!!" عمك عرابي جية يبعت الرسالة.. لقي مكتوب "عفوا لقد نفذ رصيدكم يرجي اعادة شحن البطاقة
طبعا لهكسوس اقتحموا مصر و اغتالوا الريس رمسيس الاول..بعد عمر يناهز ال 14 سنة كدا.. و علي فكرة: - لازم نتعلم حاجة مهمة..شحن البطاقة واجب وطني
اما الحبشتكة التالتة دى بقى فدى عايز صبر شوية وربنا يستر على ولايانا قصة بعنوان
(منك لله ياخالد ) وأحداثها كالاتى
كان فيه بنت في الثانوية العامةاسمها هند راحت مره تعمل شوبينج مع الحاجة والدتها وقابلت واحد وعاكسها واداها رقمه المهم اخذت الرقم واتصلت بيه واتعرفت عليه وهو اسمه (خالد) اتعرفو على بعض وزادت العلاقه أووووووى بينهم ... كل واحد منهم عايز يقابل الثاني بس مافيش فرصة وفجأه جت فكره لخالد قال لهند تيجي نتقابل عند مدرستك قالت هند:: ازاي يعني؟؟؟ قال اسمعي انتي ابوكي بيوصلك الصبح كل يوم بنفسه بس بعد كده بيروح الشغل بتاعه.. صح؟ قالت صح قال: خلاص .. انا اعدي عليكي بعربيتي وتركبي معايا قالت :بس المديره ممكن تكلم البيت قال :: افصلي التليفون وارتاحي قالت::بس خايفه اتأخر قال جربي و ح نشوف المهم راح ابو هند ووصل بنته للمدرسه ومشى .. وثواني وخالد وقف بعربيته - سيارته - وركبت هند بسرعه وراحو كوفي شوب فخم وقعدوا يتكلموا ولما جت الساعه واحدة راح خالد ونزل هند ورجعت البيت وهي خايفه بسالحمدلله المديرة ماتصلتش .. وكلمت خالد على طول وقالت ان اهلها ما عرفوش واتكلموا شوية.. وقالها خالد : ايه رأيك اقابلك بكره قالت :لالا مش كل مره تسلم الجره قال :المره دي جايبلك هديه قالت :اوكي ..عدي عليا و ح اشوف الوضع ومر خالد في الوقت نفسه وركبت هند المهم اخذو على كده اسبوع بحاله من السبت الى الاربعاء وتطّورت العلاقة بينهم الى مقابلات في شقة خالد الخاصة وجيه يوم السبت ..اليوم اللي نسيت فيه هند انها تفصل التليفون.. وطلعت مع خالد وفي بيت هند التليفون رن ام هند:الو المديره الو السلام عليكم ام هند :عليكم السلام مين اللي بتتكلم؟؟ المديره::انا الاستاذه هدى مديرة المدرسه اللي بتدرس فيها هند:اهلا بيكي خير؟ المديره :لا مافيش غير كل خير بس هند ليها اسبوع ما جاتش المدرسة
هي تعبانة ولا حاجة؟ ام هند ::ازااي ..((وفهمت الموضوع بسرعة أ..أ.. ايوة الله يسلمك البنت تعبانة شوية المديره :: لا لا الف سلامة عليها مع السلامه ام هند دارت بيها الدنيا وما تعرفش تعمل ايه .. هل تقول الي سمعته لابو هند ولا تمسك البنت وتسالها ؟؟..؟؟
المهم قالت لابو هند عن كل شيء وقالها اسمعي ماتقوليلهاش اي حاجةوانا ح اعرف بتروح فين ويوم الاحد وصّل ابو هند بنته ومشى شوية ووقف ..وشاف طبعا عربية خالد وهي بتقف وبنته وهي بتركبها ومشى وراهم ابو هند ماوصلوا للعمارة اللي فيها شقة خالد.... ونزل ومسك البواب لحد ماعرف رقم الشقة وطلع ابو هند وهوّ ييطلع السلم قابل خالد نفسه وهوّ نازل بس طبعا ماعرفوش المهم.. ضرب ابو هند جرس باب الشقة وفتحت هند وانصدمت ساعة ما شافت ابوها.. ونزل فيها ضرب لحد ما جريت منه وراحت للمطبخ واخذت السكينه عايزة بس تبعد ابوها عنها بس غلطت وضربته في صدره بالسكينة ووقع الاب من طوله مغمى عليه وجه خالد وشاف الموقف وقال لهند بسرعه شيلي معايا للحمام وحطوه في ((البانيو)) وملوه ميه وحطو عليه علبتين مسحوق غسيل عشان الرغوة ماتبيّنش اللي تحتها وطلعوا ورجعت البنت للمدرسه وبالها مش في عقلها ..مش مصدقة بتفكر في اللي جرى هل حقيقه ولا خيال ..المهم طلعت من المدرسه ورجعت لبيتها وضربت الجرس وكانت المفاجأه الغريبة : ابوها فتحلها.... قامت صوتت طبعا وقالت ::ابويا مش ممكن ..مش معقول!!!! !!!!رد أبوها وقال مع برسيل مفيش مستحيـــــــــــــــــــــل
عاشق المنتدي عضو سوبر
عدد الرسائل : 3833 نقاط : 0 تاريخ التسجيل : 08/06/2008
موضوع: رد: شويه حبشتكنات كده علي الماشي عثل عثل.......... الإثنين يونيو 30, 2008 8:53 pm
تسلم الأيادى
حمادة هلال عضو ذهبى
عدد الرسائل : 294 نقاط : 0 تاريخ التسجيل : 15/07/2008
موضوع: رد: شويه حبشتكنات كده علي الماشي عثل عثل.......... الأربعاء يوليو 16, 2008 10:08 pm
السبت فبراير 02, 2008 12:41 pm
