عدد الرسائل : 2446 نقاط : 0 تاريخ التسجيل : 19/11/2007
موضوع: ضل حيطه ولا سي عباس....... الخميس يناير 31, 2008 3:23 pm
بسم الله الرحمن الرحيم اسيكو يا حلوين النهارده بقى مقارنه بين الركاله والحيطه يا رب تعجبكو ونكون استوفينا حقوق الركل كلها ها نبدا بقى بسم الله
من مناقشات قعده الحريم على الكوم ، من خمسين سنه ضل راجل ولا ضل حيط وقفت الست بهيه على كوم عالى فى الجرن ، وبدات تخطب وسط الحريم المرصوصين على المصاطب: قال بيقولو ضل راجل ولا ضل حيطا ... ياختى بلا وكسه ! * بذمتك عمرك سمعتى عن حيطا تقعد طول الليل تشخر طول الليل وما تخليكيش تنامى ؟ *ولا حيطا تدخل من باب البيت تجعر عايزه الغداء ، وبعدين تطين عيشتك علشان الملح زياده فى الباميه شويه ! * ولا ممكن ترجعى البيت فى يوم تلاقى حيطه تبوس الشغاله؟ *طيب شفتى حيطه تملا لك سقف البيت دخان ، وارضيته سبارس! * لا حيطا تتنك عليكى وتقولك انتى رايحه فين وجايه منين ! * ولا حيطه تصحكيى فى نص الليل علشان معرفش ايه طلع فى دماغها ! *ولا حيطه تدوخك وراها علشان تشوفى هيه بتكلم مين فى التليفون نص الليل ! *طيب الحيطه معروف مكانها دايما ، انها المحروس يدوخك وراه علشان تعرفى هو سهران فى انهى داهيه... قال ايه ، عنده شغل ! يا سم ! * بذمتك فيه حيطه تحاول تطلعك غلطانه فى كل كلمه تقوليها علشان تثبت للعيال ان الحيطه بتفهم احسن منك . * ولا حيطه تلوى بوزها وتقشر بياضها وتقعد بالفانله لما امك تيجى تزور ،وتحبك معاها تحكى نكت عن الحموات ! *ولا حيطه تقعد تقولك ما تخرجيش بالفستان ده احسن محزق عليكى،ولما تقولى لها هاتى فلوس علشان تشترى غيره ، تعمل ودن من طين وودن من عجين طيب دى الحيطان لها ودان! *يا شيخه بلا قرف ، الحيطه أجدع، على الاقل مش هتتحسبى لو فاض بيكىونفذتى حلم كل الستات .. ودقيتى فى الحيطه مسمار ! صفقت كل النساء بحماس ، وهتفو هتافهم الخالد : قطيعه تقطع الرجاله و......... سنينهم ولما خف الهتاف والتصفيق ، ردت ستوته بعد مصممه الشفايق : بس يا بهيه ياختى ، برضه فيه شبه كبير ،ساعات تحسى ان الراجل زيه زى الحيطه تمام لما تطلبى منه مصروف البيت ولما تكونى تخرجى تخرجى تشمى معاه تشمى هوا ولما تقولى له يروح المدرسه علشان طلبين ولى امر الواد ولما واحده جارتك ترمى زباله فى البلكونه بتاعتك اضافت سنيه مشمأ نطه : طبعا الراجل زى الحيطه ، ما عندوش عواطف وعمره ما تطلع منه لفته رقيقه ، يعنى الرجل ده ، لو جاتله حاله رقه حيبقى ايه .... يتحول للوح؟ ولما تحبى تدلعيه تقولى ليه: يا لوح قلبى؟ يلا اى خدمه يا بنات
سلاموز
عاشق المنتدي عضو سوبر
عدد الرسائل : 3833 نقاط : 0 تاريخ التسجيل : 08/06/2008
موضوع: رد: ضل حيطه ولا سي عباس....... السبت يونيو 28, 2008 4:13 pm
تسلم الأيادى
حمادة هلال عضو ذهبى
عدد الرسائل : 294 نقاط : 0 تاريخ التسجيل : 15/07/2008
موضوع: رد: ضل حيطه ولا سي عباس....... الأربعاء يوليو 16, 2008 10:33 pm
مش عارف اقول ايه والله رائعِ
زملكاوي بك عضو تقنى
عدد الرسائل : 612 نقاط : 180 تاريخ التسجيل : 04/11/2007
موضوع: رد الإثنين يوليو 21, 2008 3:44 pm
ايــه ده يا اخواتى صلاح جاهين بيتكلم لا بجد تماااااام
الخميس يناير 31, 2008 3:23 pm
بسم الله الرحمن الرحيم
