مي عضو سوبر
عدد الرسائل : 2446 نقاط : 0 تاريخ التسجيل : 19/11/2007
| موضوع: انا مين وانت مين ...... ؟؟ الجمعة يونيو 20, 2008 7:49 pm | |
| الموضوع ببساطة .. عبارة عن شوية فضفضة مع نفسى ومعاكوا المهم .. الموضوع بتكلم فيه عن الانتماء .. كلمة غريبة قوي علينا اليومين دول .. خصوصا مع التخبط اللي حاصل جوانا كلنا ..
هو احنا المفروض ننتمي لمين .. تعالوا نشوف بعض الاجابات المحتملة ..
اولا : انا مصري .. - يا شيخ روح العب بعيد .. هي مصر علمت ليك ايه ..؟؟ - ازاي بقى مش هي اللي ربتني ..؟؟ - لا اللي رابك ابوك وامك .. - مش هي اللي علمتني ..؟؟ - اللي علمك فلوس الدروس الخصوصية .. - مش باكل من خيرها ..؟؟ - ايوة لحم كلاب وحمير .. - مش انا عايش على ارضها ..؟؟ - ايوة علشان تشتغل ويطلع عينك علشان غيرك يعيش مبسوط .. - لا انا مصري بقى .. مش كفاية اخدنا كاس الأمم مرتين ..
ثانيا : انا عربي - يعني ايه عربي ..؟؟ خليجي ولا شرق افريقي ..؟؟ - عربي يا اخي .. يعني بتكلم عربي .. - يعني جامعة الدول العربية ..؟؟ - يعني الشعب العربي .. - اللي واقف يتفرج مستني يشوف الدور على مين علشان يندبح ..؟؟ - يعني الضمير العربي .. - ده اسم اغنية ولا ايه ..؟؟ - يعني القومية العربية .. - يا عم الاموات لا تجوز عليهم الا الرحمة
ثالثا : انا مسلم .. ايوة هي دي انا مسلم .. - انا اسف .. بس شيعي ولا سني .. - بقولك مسلم .. بصلي واصوم - يعني مع الاخوان ولا حزب الله .. حماس ولا فتح .. السنة ولا الشيعة .. السعودية ولا ايران .. - مش عارف ..
انا مجرد مسلم .. عربي .. مصري .. ماليش في السياسة .. عايز بس اعيش .. واحب الناس .. واتحب من الناس ..
عايز الاقي معاملة كريمة استحقها .. عايز الاقي اخواتي حواليا ..
انا مسلم عربي مصري .. مهما كان ومهما يكون .. هوه ده انا .. | |
|
احمد قاسم عضو تقنى
عدد الرسائل : 724 نقاط : 0 تاريخ التسجيل : 19/05/2008
| موضوع: رد: انا مين وانت مين ...... ؟؟ الجمعة يونيو 20, 2008 10:05 pm | |
| انا مسلم عربى مصرى نفسى اشوف فعلا انى عايش فدوله مسلمه علطول لانها ساعات كده وساعات كده نفسى اشوف الامه الاسلاميه بتحافظ على الاسلام وعلى رسوله الى هورسولنا -عربى نفسى اشوف الامه العربيه اخوة وقافين مع بعض فالشده وبيدافعه عن عروبتهم ومجدهم وحضارتهم وعلى مستقبلهم مش الاسم عرب وزعمائنا ميلوهم غربيه وحجتهم احنا عاوزين نحميكم -مصرى ونفسى اعيش فمصر بجد نفسى احس ان فى ناس بتخاف على مصلحه مصر نفسى الاقى مسئول كل همه المصلحه العامه مش مصلحه جيبه بجد غصب عننا هنحب بعض انا كده طولت سامحينى بقى يامى انتى الى بتستفزينى بتوبيكاتك | |
|
مي عضو سوبر
عدد الرسائل : 2446 نقاط : 0 تاريخ التسجيل : 19/11/2007
| موضوع: رد: انا مين وانت مين ...... ؟؟ الأحد يونيو 22, 2008 9:43 am | |
| لا انته مش طولت ولا حاجه يا احمد انا مبسوطة اوى لردك و مبسوطة اكتر لرايك لانه اكيد راينا كلنا و امنياتنا كلنا وشرفني ردك يا احمد تسلم يا رب
| |
|
Admin Administrator
عدد الرسائل : 2791 نقاط : 244 تاريخ التسجيل : 23/06/2007
| موضوع: رد: انا مين وانت مين ...... ؟؟ الأحد يونيو 29, 2008 7:27 pm | |
| | |
|
قاتل مأجور عضو سوبر
عدد الرسائل : 1251 نقاط : 1262 تاريخ التسجيل : 10/06/2010
| موضوع: رد: انا مين وانت مين ...... ؟؟ الإثنين يونيو 28, 2010 12:13 pm | |
| | |
|