حب جامد اوووى ..ههههههههههههههه

خطيب و خطيبته بيحبو بعض اوى اوى اوى

الخطيب : بحبك ( يا بااااااي )

الخطيبة : وانا كمان ( داهيه تاخدك )

الخطيب : من اخر مره وانا بافكر فيكي ( يارب تغوري من وشي )

الخطيبة : يا حبيبي وانا كمان ما بطلتش تفكير فيك ( الهي اصبح الصبح الاقيك متنيل بعيد عني )

الخطيب : امال فين حماتي مش شايفها يعني ( الحربايه الكبيره )

الخطيبة : موجوده اندهها لك ( علشان تسم بدنك )

الخطيب : اه طبعا يا حبيبتي وانا اقدر استغني ( يارب تتكعبل في السجاده وهي جايه )

الخطيبة : ماما تعالي كلمي ( علي الله تقولك حاجه ترفع لك الضغط )

الخطيب : اهلا يا حماتي ازيك ( الهي ما تكوني بخير )

الحماة : اهلا يا خطيب بنتي ( بلا نيله )

الخطيب : عندي ليكو خبر حلو انا لقيت شقه ( الهي ما توعوا انتي وبنتك تشوفوها )

الحماة : الف مبروك يا حبيبي ( ياما جاب الغراب لامه )

الخطيب : حنروح نشوفها بكره ايه رايك يا حبيبتي ( علي الله تتكعوري عالسلم وانتي طالعه )

الخطيبة : وماله طبعا لازم نشوفها ( اكيد قد الحق وفي منطقه معفنه )

الخطيب : علي فكره يا حماتي ( جتك حمه )

الحماة : ايه يا خطيب بنتي ( خطيب الشوم والندامه )

الخطيب : انا كنت عاوز اقابل عمي علشان كتب الكتاب ( عمي قال عمي قال ده انتي اللي عمي )

الحماة : وماله يابني بس مش لسه بدري ( جتك نيله مستعجل علي ايه )

الخطيب : ما هو خلاص يا حماتي احنا قربنا ( يا ريت ترفض علشان افركش ام الجوازه دي )

الحماة : طيب يابني لما يجي عمك حاقوله ( جتك نيله علشان نستريح من زيارتك الغلسه )

الخطيب : طيب يا حماتي انا حامشي دلوقتي ( افففففف انا اتخنقت من الوليه دي )

الحماة : ماهو لسه بدري ( في ستين داهيه )

الخطيب : باي يا حبيبتي ( حبك برص )

الخطيبة : مع السلامه يا حبيبي ( البلد اللي تودي )

الخطيب : كلميني في التليفون ( يا رب يقطعوا الحراره )

الخطيبة : اكيد يا حبيبي ( غور بقي )

شايفين الرومانسية هي دي الرومانسية ولا بلاش هههههههههه

حب جامد اوووى ..ههههههههههههههه Thumbup

اعوز بالله من غضب الله
لا حول ولا قوة الا بالله

تسلم ايدك مى
على الموضوع الراءع
تقبلى تحياتى ومرورى
وبجد موضوع راءع
واتمنى منكى داءما المذيد والمذيد
ودائما فى قلعه التميز من المتميزين

اخوكى محمود مجدى

موضوع هايل تسلم الأيادى

هههههههه

» فيلم iamlegend2007 جامد جامد
» مصر للطيراااااااان يعني دي اللى هتباه عدله ههههههههههههههه..
» مجموعة اغانى راب مصرى جامدين اوووى
» شوية بسترات لكل المصارعين بس جمدا اوووى
» صور بس ايه جامده اوووى ادخل بسرعه وشوف