عدي النهار و المغربيه جايه بتتخفي ورا ضهر الشجر......

عدى النهار....

و المغربية جاية....

بتتخفى ورا ... دهر الشجر.....

و علشان نتوه في السكة....

شالت....

من ليالينا القمر.....

عدى النهار....

فاكرين الأغنية دي ؟

لازم يكون حد فاكرها، لأن على سطور أبياتها، و على لحن غنوتها، كانت أول الخطاوي بتتشكل للنصر على اليهود....

و كان الرجال معادنهم بدأت تظهر وقت الشدة، من غير لا كلام ولا حتى في عن النصر وعود...

و كانت للرجال الأسود، في (رأس العش) نصر موعود....

و كانت لوحوش البحر، في (بورسعيد) على حساب (إيلات) الكلاب، إنتصار مروع بجهد مكدود...

و منها إنفتحت بوابات جهنم، لغضب شعب كان من هزيمة الخيانة و الجهل و التخلف و الفساد مكبوت....

و بيها و بغيرها، و بسواعد ولاد شعب مؤلفها و مغنيها و ملحنها، مفتاح الطريق لنصر جيوش الوطن المنصور....

و بالدم و بالنار و بحرقة الرجال من التار، في قلوب بتصرخ بركان دمار، كان
الرعد و البرق حليف في عز الشمس مع الأسود في ميعاد مع النصر الموعود....

كانت و هاتفضل دايما و للأبد مهما ان كان و مهما أن حصل، و مهما أن كان،
دليل لكل شعب بيعدي من ظلم ظالم أو كبوة وطن عربي بالهزيمة و بالحزن
مكبوت....

بس السؤال...

لكل عربي، دلوقتي شايف الحال....

هل نسينا القضية، بعد ما كترت قضايا الحال و دوام المحال؟

هل بقينا ضايعين بفعل الفرقة، و العناد بس ؟ و لابفعل التناسي و النسيان للأمل اللي هايفضل دايما في وشنا محال ؟

لا ياعرب.....

أنتوا لسه ما إنتهتوش....

لسه كلكم ما أنخرستوش....

لسه نار تاركم منها أتحرقتوش....

ولا في قلوبكم من دم المظلوم ما أرتويتوش....

لسه وسطيكم في أرض السلام، و أرض أبى العباس، و أرض الشام رجالة ولا أعظم رجالة....

رجالة بتعلم و بتتعلم و بتعلم على عدوها بالدم و بالنار و بالجحيم من
الدمار، و بحرقة أشرس تار، علامة الجودة لتاريخ أغرب أمة إتعرفت وسط كل
الأدبار....

لسه القسيس (بوش)، اللي عايز يقسسنا مسيحين و مسلمين، و يأسلمنا شيعة و سنة، و يصهينا عرب و أكراد، من مقاومتهم في نفوخه محتار....

و لسه اليهودي النجس (أولمرت)، اللي عمال وسط الفلسطينين يفرق و يقتل و
يقتل و يفرق، ماقدرش يوقف شلال الدم، و كأنه شلال جاي من أطول الأنهار....

و لسه الكلابيظ ولاد المتعايس، اللي على كراسي الحكم بسياستهم الفسادنة و الفشلانة و المفضوحة، بلابيص....

و وزرائهم، اللي بيحاولوا يداروا على فضايحهم، علشان يداروا هما على مصايبهم، في عقولهم من الوعي البسيط ملاحيس....

بس الدور، عليكم أنتم....

الكورة في ملعبكم أنتم....

مافيش شعب بيفضل مظلوم على طوووول....

ولافيش أمة بتفضل مهزومة على طوووول....

بس بإيديكم و بسواعدكم، و بوعيكم و بفهمكم، و بثقافتكم و بعلمكم، تقدروا تكونوا أحرار و تقدروا تكون أبطال على طوووول.....

حد يقولي ياعم دي (أمريكا) و دي (إسرائيل) و وراهم من (الفرنجة) كل جيل و جيل....

أقوله أنت العربي، بصدق الصديق، و بشهامة ورجولة الوليد، و بعدل الخطاب، و
بخجل العفان، وبفروسية صلاح الدين، و بعقل و علم الهيثم تقدر تكون ليهم
أقوى من كل جيل و جيل....

حد يقولي الجيش و السلاح و التقدم و التطور، و التكنو و الترانس و الإنترنت و الفضاء....

أقوله مظبوط كلامك يا أخي، بس بالعقل و بالتدبير و بالعمل و الجد و الإجتهاد و المثابرة، تقدر تكون أحسن من مليون جيل و جيل.....

حد يقولي هما كانوا و بقوا، و إحنا كنا و بقينا، و تاريخهم و حاضرهم، و تاريخنا و حاضرنا....

أقوله موش بالتاريخ بس نكسب المعركة، و لانحسم الحرب، و بالبطولات البائدة
و الأساطير القديمة نحسم الحرب، و إنما نيل المطالب ليس بالتمني بل تؤخذ
الدنيا غلابا....

أيوة غلابا، و ماحدش يقدر يقولك أنت هاتفضل طول عمرك كدة.
أنت يا عربي اللي تقدر تحدد إذا كنت هاتفضل كدة و لا هاتتقلب و تبقى كدة ......

أنت يا عربي اللي تقول و تحدد، إذا كنت هاتفضل ورا!!!!.....
و لا هاتنط السحاب و ترجع للأمام و تصارع الريح، و تسابق الزمن زي ما
أجدادك عملوا و علموا الدنيا كلها يعني إيه كلمة حضارة و يعني لفظ
العراقة....

أنت يا عربي اللي تقول و تحدد، إذا كانت أرضك هاتبقى محتلة و مغتصبة و متاخدة، من غبر ماتفدر تضرب على عدوك طلقة واحدة!!!!....
و لا تحط النصر دايما عنوانك و في وسط الشدايد تبان مع الأزمات إبتسامتك
كعنوانك، ولا المجد و الشرف في الدفاع عن العرض و الأرض يبقوا لعدوك لما
يدور على عنوانك....

أنت يا عربي اللي تقول و تحدد إذا كنت هاترضى بأيد الصهيوني القسيس
الأمريكي، تعيش مقسوم مابين مسيحي و مسلم، و لا سني و شيعي، ولا كردي و
عربي!!!!....
و لا تقول للكلاب لا أنا طول عمري عربي أبن عربي لاعمرنا قبل الإسلام
عرفنا التعصب و التفرقة ولا عمرنا بعد الإسلام عرفنا غير التسامح و السلام
مابين كل الأطراف في كل الأجناس و الأديان....

أنت يا عربي اللي تقول و تحدد إذا كنت هاترضى بالذل و المهانة، و بهتك العرض و الشرف و الكرامة!!!!.....
ولا بكل ما فيك من قوة و بكل مافيك من عزيمة و إيمان بالقضية و بالحرية،
تسمع الدنيا كلها صوت بنقديتك. و تعيش وسط اشرس الإعادي و وسط اعنف
المعارك و قدام أعتى الجيوش و أقوى الأمم حر الدم و العرض و الكرامة و
الدنيا كلها تترعب من قلبك الميت و وعقلك اللي إختفى فيه الخوف على روحك،
و يفتكروك من جنونك مغيب الوعي و الإدراك....

أنت يا عربي اللي تحدد، انت يا عربي اللي تقول، أنت يا عربي اللي تأكد أنت ياعربي اللي تفني....

و أعرف دايما أن بالتاريخ و بالعقل و بالمنطق و بالفهم، أن اللي يقول عليك ضعيف و جبان و ماتقدرش في عينه أي جبين وسط كل الأجبان....
هو الأضعف و الأجبن، و الأكتر رعب و خوف منك و من قلبك اللي لو حس و فهم و
وعي باللي بيجراله هاتبقى بداية النهاية لظلم بني الإنسان لأخيه
الإنسان....

عدى عليك النهار، و لارضيتش بيه لأنك كان نفسك في نهار أقوى و أوضح من
نهار السلام الوهمي، و الوعود الكدابة و سياسة التفريق و التخريب....

و الليل يلف ورا السواقي، زي مابيلف الزمان و على النغم....
تحلم بلدنا بالسنابل و الرجال....
تحلم ببكرة و اللي هايجيبه معاه...
ننده عليه في الضلمة و نسمع نداه....
تصحاله من قبل الأدان....
تروح تقابله في الغيطان.....

بس خلاص الكلام خلص.........

شكرا مـــــ،،،،ـــــــــى على نقلك للاخبار

ونتظر منك احداث الاخبار الله يعيطكى الف عافيه

لا تحرمينا من قلبك اللميز دائما

تقبلى تحياتى ومرورى

قلب&حزين

» مشي الطفل حافي القدمين خلال النهار يؤثر على نومه