سؤال من حمار الى انسان
عجبي عليك يابن آدم
يا كبيرالدار
قومت الدنيا وماقعدتها لما قالوا انت حمار ..
هوّ اسمي شتيمة ولا جنسي ده عار؟ ..
خلقني ربي وخلقك ولا حدش له خيار ..
وانا مهما زاد الحمل فوقي..صابر على المشوار ..
لا في يوم اقول إشمعنى اخويا وآخد منّه التار ..
ولا يوم ابص لرزق غيري واطق منّه واغار ..
ولا ارفع في يوم عيني على جارتي واخون الجار ..
ولا مهر ادفع لحمارتي ولاشبكة ولا اسوار ..
ولا شقة اجمع في ثمنها ولا اجهّز الدار ..
ولا حمارتي حامل تتوحم عايزة الكافيار ..
ولا بنتي تخرج عن طوعي وتجيب العار ..
ولا ابني يدمن ويهلوس ويقع ينهار
عايش في حالي متهنّي..ومقتنع بأني
آكل وباشرب وانهّق ومافيش أسرار ..
وعندي ابن آدم يخدمني ليل ونهار ..
إن جعت يأتيني بالطعام بأغلى الاسعار ..
وفي مرضي يفضل يعالجني ويدعي الستّار ..
خادم امين من غير راتب ولا حتى ايجار ..
ودلوقتي عرفت يابن آدم..مين فينا الحمار؟
الإثنين فبراير 11, 2008 2:51 pm
