خلتني اخاف من بكرة وبكرة كان فى ايديا
خلتني اخاف من بكرة والدمع بان فى عينيا
خلتني اقول كلام اكره بيه الغرام
انا بلعن كل لحظة بتصحي الجرح فيا
يا قلبي الدمعة غالية ليه فى العيون بتبان
دي الدمعة من عيونا ما يستاهلها جبان
وبلاش تفكر فيهم وف قلب باع احلامك
اياك هتفضل باقي على قلب باع وخان
ياللى السبب فى الجرح والسبب فى دمع العين
راح يبقى عندي الفرح وحياتك انت تبان
وتشوفني وهبقى شايفك وتمد ليا ايديك
وتحاول ترجع ليا والدمع مالي عينيك
ساعتها هقولك فكر فى ماضي عدي وراح
في قلب كان بيحبك ومليت حياته جراح
مقدرش خلاص ارجعلك ولا حتي افكر فيك
بقى بعد سنين عذابي جايلى تمد ايديك
حبك كان ذكري حلوة كان ليا احلى غنوة
وحلمي كدبة كبيرة وهو اني الاقيك
لان طبعك خاين يا حبيبي شكرا ليك