عارفة ياأمي
عارفة ياأمي انا نفسي في ايه
نفسي في كتف حنين ياما
اميل راسي وابكي عليه
نفسي في حضن الاقاه دافي
يضم همومي بكف ايديه
نفسي اعيش العمر سعيد
من غير ما أسمع كلمة ليه
عارفة يا أمي لما أجي أصرخ
الاقى صوتي ما بيطلعش
وكمان لماأحلم
الاقى الحلم مايتحققش
واحضن خوفي ويا ظروفي
واقعد ابكي
حتى الدمعة ما بتطلعش
شوفتي يا أمي وصلت لأيه
عايز اهرب مني اليكي
وأحضن صدرك
وابكي عليا ....وأبكي عليكي
بس الدمع مخاصم عيني
يمكن ده تأثير الغربة
ماأحنا ياأمي في قلب الغربة
زي الميه في قلب الأربه
حاجة بسيطة ترج وصلنا
وتوصلنا لحد الخوف
لما اتحكم فينا الرعب .....وعبى الجوف
اصل الدنيا غريبة ياأمي
ما بترحمش لأي ظروف
عارفة
أنا اوقات بحتاج لوجودك
تفضلي جانبي
بس بخاف علي رعشة قلبك
وتشيلي همي
وبفتكرك لما كنت أنا بحبي
وانتي تسمي
فاكرة يا أمي
فاكرة لما دخلت الروضة
وعلقتي لي لعب في الأوضه
وحضرتي لي قلمي وكرستي
والمريله مكويه ع الموضة
فاكرة يا امي
فاكرة حنانك وطيبة قلبك
انا دلوقتي ما بحسوش
اصل الحب يا أمي نسيته
وان يوم شوفته معرفهوش
بعد خروجي من حضنك يا اما
وبعد حنانك أي حنان
ما بعشهوش