تايه فى امريكا قصدى فى القاهره

السلام عليكم ورحمه الله وبركاته
ازيكم ياجماعه
عوزه احكلكم على موقف
الموقف ده اتحكلى وانا فى عز ازمتى وحزنى على وفاه اختى بس للاسف مقدرتش امسك نفسى من الضحك لما تخيلت المنظر ادامى
احكلكم عليه بقى وبردو اعرفوا مين هو صاحب الموقف مع نفسكم
صديق غالى واخ عزيز علينا اخونا الفاضل ده
رجل كده بجد تحسوا فيه بطيبه الناس بتوع
زمان التلقائيه كده يعنى مش بيتجمل من الاخر
كان ياما كان
ياسعد ياكرام
صحبنا ده عامل زى اللى كان تايه فى امريكا
واول مره يشوف البيت الابيض ويشوف واشنطن وكده
بس ده بقا تايه فى القاهره
صحبنا ده كان عنده مقابله مع ناس اصحابه
فى القاهره قام من النوم فرحان وبيطنط بقى ده القاهره ياجدعان
راح غاسل وشه وغسل شعره ودهن شعره بعلبه
فازلين على الصبح
الفازلين مادة لزجة خليط من مربة فيتراك مع الصمغ لتساعد علي سقوط الشعر
راح صاحبنا ضرب الحته الكلاسك مع الجزمه الاجلاسيه
اللميع اللى من التوحيد والنور
مع وضع كميه لا بأس بها من كولونيا خمس معزات
مع المضمه والاستنشاق
وجرى بقى علشان ينزل يلحق الباص بتاع 7 وربع
السواق عبود عبود صحبنا ايوه يااسطى

عبود ده ياجماعه موقف المحافظات عندنا فى القاهره زى رمسيس كده
صحبنا راح نط وفط وركب الباص بالراحه ياجماعه
الفازلين هيسيح وبوز الجزمه ال7 متر هيبوظ
ياحاجه شيلى الوزه دى مش عارف اقعد احنا فى باص
والا فى عشه فراخ
ووصل القاهره بعد عناء شديد من الوزه والحاجهصاحبتها

الغلبان ياحرام نزل القاهره وكانه
شاف عالم تانى عمار يامصر نزل من الباص ويبص حواليه وشمال
كأنه فى باريس
معذور ياجماعه القاهره تبهر اى حد بصراحه
راح صحبنا قابل اصحابه وهما ماشيين اضطرتهم الظروف انهم يركبوا مترو الانفاق
اخينا متعود على ركوب العجله بتاعته
مترو انفاق ايه بس ياجماعه اللى هتخليوه
يركبوا ده هو كبيرو البسكليته تايه فى امريكا قصدى فى القاهره Eshtat

على راى اللمبى
دخلو مترو الانفاق قطعوا التذاكر
تن تن تن
وجاء به دور التعديه من مكنه التذاكر يلهوى على الفضايح الجسيمه اللى حصلت
اصحابه عدوا خلاص بقى متعودين طبعا
صحبنا فضل يزق حديده المكنه بجنبه كانه
بيقولها افتح ياسمسم تخيلوا المنظر وطابور من الناس واقف وراه
مستنينه يعدى ياعم عدى ياسيدى عدى
نبوس ايدك ورجلك صوبع صوبع عدى تايه فى امريكا قصدى فى القاهره Clap

وصحبنا واقف ولا هو هنا كل اللى شغله
ازاى سمسم مش عوز يفتح
طب افتح يادره افتح ياشعير
ايه ياعم على بابا انت مصر كلها اتلمت ووقف طابور وراك
فين وفين اصحابه بيبصوا لقوا لسه واقف رجعلوله تانى لقوا بيغنلى للحديده
فضلت احيله ميفتحش اقوله حبيبى ميفتحش اعمله ايه
اصحابه قعدوا يضحكوا عليه لما قالوا يا بس
المهم وروله يحط التذاكره ازاى ويعدى
الشعب فرح ياجدعان بقى علشان خلاص الازمه اتحلت
ركبوا المترو وجات المحطه اللى هينزلوا فيها
ونزلوا واصحابه عدوا متعودين بقى وخلاص قالوا هو عرف الطريقه ومش هيقول لا ياسمسم ولا يابطاطس تانى ولا هيغنى ويلمى الناس عليه ويعملنا فيها مطرب المترو
العيال عدوا وسابوا يعدى ومشين يتكلموا على اساس ان صاحبهم ماشى جنبهم بعد حوالى 5 او 6 دقايق بيبصوا مش لقوه
افتكروا بيهزر معهم ومستخبى ورا العمود اللى فى المحطه
بيلعبهم استغمايه يعنى
ومكنش حد بقى فى المحطه غيره هو وهما وكام عسكرى كده
يلهوى على الفضايح
فضيحه عامه فى مترو الانفاق
بيبصوا لقوه لسه واقف عند المكينه يادى النيله
تانى طب ليه ايه حصل تانى
رجعوا للبيه
اتارى اخينا راح يحط التذاكره فى مكنه عطلانه والمصيبه انه مكتوب عليها
اصحابه فضلوا يضحكوا عليه وهو مصمم بردو
يحط التذكره طب والنبى نقوله ايه الاخ ده
خلص دور التعديه من مكنه المترو جه دور التعديه
من على السلم الكهربى وصحبنا شاف السلم
وقعد ينطط زى الحنكلولو هتسالونى ايه هو الحنكلولو
هقولكم معرفش اهو لما الواحد بيفرح وبيبقى سعيد
انا بقول عليه كده
جم بقى يعدوا من السلم كل لما السلمه تتنى علشان غيرها
يطلع اخينا يتكعبل وهيقع ويمسك فى اصحابه
واصحابه ميتين على روحهم من الضحك عليه
طب والنبى كده ياجماعه لما هو مش اد نزوله القاهره كان بيجى ليه وكمان فى لسه حد فى النت والعولمه
ميعرفش يعدى من مكنه مترو الانفاق والسلم الكهربى
قولولى كده بقى عرفتوه والا لا
واللى يعرفه اوعى يقول لحد بردو خليه سر بينكم وبين نفسكم

ههههههههههههههههههههه

موضوع جامد يا ريس

هههههههههه

» بطولات دوري القاهره
» ماما امريكا....
» صور للرجل الحامل ف امريكا....
» فى اول تصريح للمدرب العالمى زاكارونى بعد وصوله القاهره
» صور الجنود الامريكان تخاف امريكا من نشرها