مي عضو سوبر
عدد الرسائل : 2446 نقاط : 0 تاريخ التسجيل : 19/11/2007
| موضوع: ازاي تخلي الولد يكرهك ده لو لقيتيه يعني اصلا......... الأحد فبراير 03, 2008 8:54 am | |
| انا عارفه ان فيه منكو كتير بيقولو احنا ليه عايزينهم يكرهونا هوه احنا لاقين اصلا و لهؤلاء اقولهم مش تنفذو الناس التانين اللى زهقو منهم اوووووى كده هما اللى ينفذو يلا يا حلوين يا ريت الشباب يبعدو شويه و يوسعو سكة كده مش كل حاجه محشورين فيها يعني ايه الغلاسه دي سوري انا بهزر شكلي هروح في داهيه يلا نقول الموضوع لقيتى حبيبك بيقول " يمين " .. قولى " شمال " .. حيتخنق ويطفش .. أى خدمة !
ألو حياتى وحشان Happy valentine .. باى باى عشان بابا قاعد وتقفلى الخط أوف أعمل ايه معاه خلاص مش طيقاه ولا طايقة كل كلامه الحلو.
أقول لك ايه الحل وازاى تخلى ولد يكرهك فى كام خطوة .. أبسط من البساطة.. لو كان ولد بينك وبينه علاقة حب ملتهبة لكنك اتخنقتى منه وزهقتى !!!!!!! هنا العملية سهلة جدا وانتو خارجين مع بعض هزرى مع سواق التاكسى أكيد هايتضايق وأفورى فى الهزار..ده لو كان بيركبك تاكسي اصلا يا ختي واضحكى بصوت عالى فى الشارع.. واذا عدى بجواركم مجموعة شباب علقى عليهم.. البادى ده حلو أوى وياريت الولد يسمعك احرجيه وتفهمى من كلامه قدام أصحابكو أو أى حد تعرفيه.. عارضى كل أفكاره لو كان من أنصار الاتجاه المحافظ تبنى أفكار متحررة .. ولو أفكاره متحررة تبنى أفكار متشددة ممنوع تمسك ايدى وحرام تكلمنى فى التليفون. انما لو كان ولد انتى مش عارفاه يعنى عريس صالونات أهلك اتفقوا معاكى انك تروحى فرح بنت عمة خالة جدة باباه عشان تقابليه هناك ومش قادرة ترفضى كده فى المطلق.. دى فرصتك يامعلمة تكرهيه فيكى من البداية وييجى الرفض منه .. روحى الفرح.. هزرى واضحكى مع كل الناس.. وارقصى فى وسط الفرح شدى المايك من المغنى وهو بيغنى أغنية شبرا وبنات شبرا.. سبتية والحلمية .. حاسب ياعم ومع الاداء طبعا أكيد سيصرف نظر عن الموضوع.. ده غير انه كرهك واستحملى ان أهلك هايتبروا منك.. وخلى أسلوبك فى الحديث معاه كأنك شغالة وفى موقف.. ازيك يامعلم ايه الاخبار يا مان .. وافتكرى ترتدي ملابس ولادى فانكى بعد هذه التركيبة الصياعة واللبس والكلام أكيد هايطفش لكن لو كان أهبل وعجبه كل تصرفاتك فى أول فرصة للكلام معاه قولى له ياعم أنا أبشع حد ممكن تقابله فى حياتك أنا مش بعرف أعمل أى حاجة فى المطبخ ولا حتى البيت وكما أنا كئيبة ومتشائمة ولاحظى انطباعة ولو لاحظتى انه اتمسك بيكى أكثر ننتقل للخطة الثانية اطلبى أغلى أكل وكمان بكميات كبيرة بذلك هايعرف انك مسرفة كمان مفجوعة
ولو الحكاية دى لم تأت بنتيجة ننتقل للخطة البديلة وهى ركزى نظرك مع أى ولد يمر بجوارك وقولى باعجاب أوف.. أوف.. ياه الولد ده يجنن ياعينى على حظنا الهباب. دلوقتى أقدر أقولك انك اتكرهتى بالثلث وكل خططك نجحت مبروك اتكرهتى يامعلمة | |
|
عاشق المنتدي عضو سوبر
عدد الرسائل : 3833 نقاط : 0 تاريخ التسجيل : 08/06/2008
| موضوع: رد: ازاي تخلي الولد يكرهك ده لو لقيتيه يعني اصلا......... الإثنين يونيو 30, 2008 8:47 pm | |
| تسلم الأيادى | |
|
حمادة هلال عضو ذهبى
عدد الرسائل : 294 نقاط : 0 تاريخ التسجيل : 15/07/2008
| |