خدى الماسك دة وادعيلى (اوعى يفوتك)

النهاردة جبت لكم ماسك جامد اوى اوى ومن الاخر يعنى مفيش بعد كدة ونتيجتة هايلة وجربى بنفسك وشوفى ودة لان فوايدة كتير اوى اوى زى تقليل التجاعيد وتحسين لون البشرة وخصوصا البشرة الصفراء بيحمرها ويورد البشرة العادية دة طبعا غير انة بيضيع بقع الوجة والماسك دة انا مجرباة طبعا انتم عارفين انى مابقدمش حاجة الا لما اكون مجرباها ومكوناتة بسيطة جدا وموجودة فى كل بيت
المكونات:
*بذور الحلبة المغلية او حبوبها (يعنى هتغلى الحلبة وتاخدى الحبوب اللى بتبقى فيها)
*مية ورد
*معلقة جلسرين سائل
الطريقة:
نضرب حبوب الحلبة المغلية مع شوية مية الورد فى الخلاط كويس وبعدين نحط عليها معلقة الجلسرين وتحطيهم على الوجة لمدة نص ساعة وبعدين نفركها زى المقشر وبعدين نشطف الوجة بماية دافية وبعدين نمسح الوجة بقطنة مية الورد وادعيلى ومش تنسونى فى الردود