إزاي تعرف انك في فيلم عربي؟
لما تلاقى البطل عيان وتقدم لة البطلة حباية الدوا مع كوباية مايه وبعد ما يبلعها وتسأله البطلة فورا: ها عامل اية دلوقتي المفاجأه انة يرد عليها الحمد لله بقيت احسن
كده بالسهولة دي.. هو واخد حبة البركة ولا ايه؟
*******
لما تلاقى البوليس وصل الي موقع الجريمة منغير ماحد يقوله
تقريبا المخرج هو اللي بلغ علشان يصور.. أمّال هيصور ايه
*******
لما تلاقى البطلة وهى بتهرب تيجى لقطات الامطار الغزيرة والبرق والرعد
والشباك اللي ينفتح بقوة علي مصراعيه
وتلاقي البطلة في الفيلم مصيّفه
*******
عندما تقول البطلة للبطل انها حامل فيرد البطل على طول.. اللي في بطنك ده لازم ينزل
غالبا بيكون يوسف شعبان
*******
عندما تفاجئ باغنية مالهاش أي لزمه في نص الفيلم
مش عارف ايه العلاقة بين الاغنية والفيلم
*******
عندما يكون من المستحيل انك تلاقى التليفون مشغول والطرف التاني يرد من قبل ما النمرة تجمع ولا تدي جرس حتى
*******
العبارة الساذجة الشهيرة التلي تصطحب مشهد القبض علي المجرم: مفيش جريمة كاملة وانت فاكر انك هتهرب من البوليس بعملتك دي
*******
عندما يسكر البطل فتلاقيه يصب كوبايه ماليانه علي اخرها
بيسكر بعصير قصب
*******
عندما يخرج الطبيب من غرفة العمليات يرد جملة من ثلاث جمل
اضطرينا نضحي بالجنين.. شدو حيلكوا يا جماعه.. العمليه نجحت بس مش هتقدروا تشوفوه دلوقتي
*******
عندما يجلس البطل والبطلة في نفس الكازينو بتاع كل فيلم اللي في وش ماسبيرو
ويطلبوا نفس العصير اللي في كل الافلام: تانج او ميراندا
يخلص المشهد من غير ما حد يشرب حاجة
تقريبا علشان هيتصور بالمشاريب دى فيلم تاني
*******
عندما يصاب البطل بطلق ناري في قلبه وتنزف الدماء من بطنه زي صلصلة الكشري
ويفضل يتكلم بطلاقة وتركيز لمدة خمس دقائق يقوم فيها بفك لغز الفيلم والاعلان عن القاتل الحقيقي او البطل يبقي ابن مين
*******
لما تاكل بنت البطله الفطار وهيا واقفة وبتاخد لقم سريعة
فتقولها امها ما تفطري يابنتي كويس تقولها: لا علشان الحق المحاضرة وتبوسها وتمشي
*******
لما تلاقى مقر العصابة مليان قش وبراميل وفران
*******
المصريين احنا الاصل والباقى تقليد
الثلاثاء يناير 29, 2008 11:55 am
