و انقشعت سحابة الصيف

قبل اى حاجه لازم الكل يعرف هنا انى بحبكم موووووووووت

انا بصراحه من أول يوم جيت فيه هنا و انا شايف ترحيب عالى جدا بيا و شاكر جدا طبعا

بس حصلت خلافات مع بعض الأعضاء بوظت الدنيا خلت دخولى المنتدى قليل

المهم الخلافات دى معظمها على حاجات فى منتهى التفاهه و أنا عن نفسي جاى النهارده عشان كل واحد بحبه و زعل منى او انا زعلت منه نتصافى

انا عن نفسي مفيش حاجه عندى والله العظيم

لو كل واحد من اللى زعلوا منى عرف اد ايه قلبي مليان ليه بكميه هائله من الحب و المعزه و الخوف من جرح مشاعره

لمكنش و لا واحد منكم هنت عليا بالشكل ده

طب انتم ايه مفكرتوش ليه انا بتقرب منكم تانى بعد الخلافات التافهه ده مش ضعف منى انا كرامتى عليا جدا يعنى

لكن حبي ليكم كان اقوى من كرامتى فاخترت انى ارجع تانى ليكم بس انا فى جروح شديده جدا من اللى حصل لكن

حكتمها جوايا و مش حبينها ليكم عشان ميبقاش فى عتاب او زعل

انا دوست على كرامتى كتير عشان خاطركم ولو تفكروا فى التودود ليكم حتلاقونى انى قللت من قيمه نفسي عشان تكون سعداء

و لا واحد منكم حيقول ان فى مصلحه راجعه ليا من اللى عملته ده لانى و انتم عارفين معرفكومش شخصيا

و نفسي اشوفكم على الطبيعه

اعز اصدقاء ليا هنا و بعتبرهم اخوات ليا أحمد قاسم و ميدو حسام و هشام و مى و أميرة الحب و قلب حزين و محمود مجدى و باقى الاعضاء ليهم معزه عندى برضه

و عهد الله لو تعرفوا غلاوتكم فى قلبي اد ايه لحتقولوا انت عمله نادره فى زمن الخيانه و الغدر و قلة الحب اللى احنا عايشين فيه ده مش كبرياء و لا غرور بس انا اتقالى الكلام ده من ناس غرباء كتير عنى

لازم تعرفوا انى بحبكم جدا انا ممكن اعمل لكل واحد منكم اى حاجه هو او هى عايزنها منى اذا كانت بوسعى
ارجوكم خلونى فى وسطيكم متسيبونيش انتم متعرفوش اد ايه انا وحيد اصلا فى حياتى و نفسي الاقى ناس لفه حواليا

انا بخاف لما ببعد عنكم

يا جماعه ده انا سايب المنتدى بتاعى عشان خاطركم ده انتم حتى مش من عائلتى الحقيقيه

و مع ذلك مش قادر ابعد عنكم حتى الاستقاله انا لو كنت عايز اسيبكم كنت سبتكم من غير استقاله او حاجه

اللى متعرفهوش عنى انى حبيت ناس كتير اوى فى حياتى لكن اتحبيت نادرا

شوفوا مدى الجروح فى قلبي اد ايه و للاسف الجروح بتزيد لما بتيجى من حد بحبه يعنى انتم لو جرحتوا مشاعرى حيبقى الجرح مضاعف

و اللى حصل ان فى منكم اربعه من السبعه اللى ذكرتهم جرحونى مره واحده فى منكم اللى متعمدش و في منكم اللى خلى الشيطان يوسوس ليه بأذية مشاعرى و بالفعل كان فى محاولات ناجحه جدا فى اذيت مشاعرى ولو البعض اللى تعمد جرح مشاعرى ده يعرف اد ايه هو غالى جدا عليا مكنش فكر حتى فى اذيتى بل بالعكس كان وجه طاقة غضبه لأى واحد او واحده غرباء عننا و كان دافع عنى بدل ميبهدلنى البعض منكم ان مكنش كلكم عارفين يعنى ايه اسيب المنتدى اللى اسسته بعد متعبت فى تأسيسه اكتشف ان مفيش اعضاء راضيه تخش فيه و دى حاجه جرحانى طبعا مش ممكن حجيب اعضاء بالعافيه تحط فيه حاجه و أنا مش حرامى اعضاء و مش محتاج ان مشاعرى تنجرح و ان حد يصدمنى بالحقيقه المره ان مفيش حد راضى يدخل عندى دى اهانه شديده عليا و مع ذلك انا مسامح فيها

و بالنسبه لعضو اخر على رأى المثل اللى بيقول عشمتنى بالحلقان خرمت انا ودانى اتعشمت انى حاجه مهمه فى حياة هذا العضو و اتصدمت فى الاخر

و بالنسبه لعضو اخر احرجنى جدا لما دارى عنى حاجه فى منتهى التفاهه فى احدى مواضيع المنتدى

و بالنسبه لعضو اخر حبيته جدا جدا جدا و مازلت لكن اذى مشاعرى بشده اكنى عدو لدود له

دول الأعضاء الاربعه اللى طبعا بدون ذكر أسماء حصل شد معاهم

و الحاجه اللى موتتنى ان الاربعه كانت ضراباتهم مرة واحده ملحقتش اخذ نفسي

انا حساس جدا لو حصل اللى حصل لواحد عادى كان انجرح جدا فما بالكم بواحد زيي

لكن والله العظيم وعهد الله

يا جماعه انتم بالرغم من اللى حصل انتم السبعه فى قلبي و مش حتخرجوا منه ابدا

ارجوكم متتخلوش عنى انا محتاج لحبكم ليا فعلا واحد بس منكم اللى تقريبا عارف عنى كل حاجه
وعارف انى محتاج لحب الناس

بالنسبه ليا انا بحبكم جدا و اظاهر شكلى كده لازم اعترف بسنى لانى لاحظت بغريزة الابوة و الامومه ناحيتكم

وصعب على الاب و الام انهم يسيبوا ولادهم مهما عملوا هههههههههههههههههههه

انا حنين جدا اللى يعرفونى بجد يعرفوا المعلومه دى

انا نفسي امد ايدى و اطبطب عليكم لكن ازاى طبعا و طبعا البنات لأ يعنى فى حدود انتم فاهمينها اكيد انتم اخواتى البنات لكن مينفعش يحصل طبطبه طبعا ههههههههههههههههههههههههه

لكن بالنسبه للأولاد مفيش مشكله عندى الصبيان محتاجين اكتر من البنات للطبطبه على رأى الفيلسوفه نانسي عجرم

ههههههههههههههههههههههههههههههههههههههههههههههههههههههههههههههههههههههههههههههههههههههههههههههه

فى الأخر بقدم شكرى و تقديرى لكل عضو و عضوة قالوا ليا كلمه حلوة فى حقى

شكرا لكم

الحمد الله انك رجعتلنا ومعانا
بس اوى تكون زعلان منى لما شغلتك مكوجى عادى ياعم تبقى شغلنى غساله
هههههههههههههههههههههههه
انت صدقت ولا اه
ههههههههه
وبانيابه عن الاربعه اللى جرحوك حتى لو انا منهم ماتزعلش انت اخونا
وماينفعش تزعل مننا
ويارب يزيد الاخوه اللى بنا طولت عليك انا غلباويه مش كده
تقبل مرورىىىى
59526

لا عادى يا اميره انا قلت مش زعلان من حد حتى الاربعه

و اللعبه انا قايل فيها من غير زعل

و انا متوقع عادى ان ممكن حد يعمل كده

فبالتالى ان مش زعلان

مشكور على الموضوع

» بديهات الصيف اللى نازله السنه دي يا بنوته انتي و هيه....
» مهرجان الصيف النجم احمد الصغير فى اغنيتين (فيلم الجراح) (عيش اللحظه
» حصريعلي قلعه التميز الفيلم اللى هينزل الصيف ده السينما هنا و بس ..Kung.Fu.Panda