لما تبص تشوف سجّان ...... عمال يحبس في الإخوان
يبقى انت أكييييد أكيييد في مصر
لما تلاقي الظلم هوايه ...... وكل الناس بتقول ده كفايه
يبقى انت أكييييد أكيييد في مصر
لما تشوف شعبك مسكين ...... تحت الفقر تلاقي ملايين
يبقى انت أكييييد أكيييد في مصر
لما تلاقي الناس مخنوقه ...... وِ حْـكوماتها بقت أهزوءه
يبقى انت أكييييد أكيييد في مصر
لما تلاقي حكومه خايبه ...... لكل هموم الشعب ده سايبه
يبقى انت أكييييد أكيييد في مصر
لما تلاقي شعوب محروقه ...... والقوانين جايه و مسلوقه
يبقى انت أكييييد أكيييد في مصر
شفت حكومة سفاحين ...... للعمال و الفلاحين
يبقى انت أكييييد أكيييد في مصر
لما تشوف إعلام كداب ...... عمال بيشجع في خراب
يبقى انت أكييييد أكيييد في مصر
لما تلاقي سجون مليانه ...... فيها كل الناس الغلبانه
يبقى انت أكييييد أكيييد في مصر
إنتخابات فيها وتزوير ...... علشان ينجح شخص حقير
يبقى انت أكييييد أكيييد في مصر
لما تلاقي رئيس كداب ...... و حكومه فاتحاله الباب
يبقى انت أكييييد أكيييد في مصر
لما تلاقي الزور بقى شايع ...... والريِّس للشعب ده بايع
يبقى انت أكييييد أكيييد في مصر
لما تشوف مسئول وحرامي ...... و المفروض لمكانه حامي
يبقى انت أكييييد أكيييد في مصر
لما تلاقي الرشوه سايده ...... و حكومه مش جايبه فايده
يبقى انت أكييييد أكيييد في مصر
لما تشوف مسئول هيموت ...... حط وراه إبنه الهلفوت
يبقى انت أكييييد أكيييد في مصر
شفت الدنيا و فيها بطاله ...... وحكومه ع الشعب ده عاله
يبقى انت أكييييد أكيييد في مصر
لما تلاقي حكومه هايفه ...... عايزه تخللي شعوبها خايفه
يبقى انت أكييييد أكيييد في مصر
لما تلاقي حكومة خونه ...... عايزه تخللي الشعب ده جُبنا
يبقى انت أكييييد أكيييد في مصر
لما تلاقي ظلم مشين ...... يوم و التاني بيحارب الدين
يبقى انت أكييييد أكيييد في مصر
راح يتزور استفتاء ...... كله بيشتم في أبو علاء
يبقى انت أكييييد أكيييد في مصر
لما تقول لمبارك هيه ...... تاخد وجبه و عشره جنيه
يبقى انت أكييييد أكيييد في مصر
ورك الفرخه آهو في انتظارك ...... شجع ياللا و قول يا مبارك
يبقى انت أكييييد أكيييد في مصر
لما يقوللك ده ابن حلال ...... ده الريِّس الجاي جمال
يبقى انت أكييييد أكيييد في مصر
شفت استفتاء مسرحيه ...... من أسوان لأسكندريه
يبقى انت أكييييد أكيييد في مصر
لما تشوف طبخ في قوانين ...... و يجيبو سته وسبعين
يبقى انت أكييييد أكيييد في مصر
لما يكون ده كلام مش حصر ...... دي أمثله تشهد ع العصر
يبقى انت أكييييييييد أكيييييييد في مصر
السبت أبريل 05, 2008 9:37 pm
